2Ki 7 | ZomZIV | STEP | Elisha in, “ TOPA thu za un. TOPA gen hih ahi hi: Zingciang tu bang hun pawlin annel seah khat shekel khat le mangbuh-ham seah nih ciang shekel khatin Samaria kongpi ah kizuak ding hi,” a ci hi.

2 Kings 7

1 Elisha in, “TOPA thu za un. TOPA gen hih ahi hi: Zingciang tu bang hun pawlin annel seah khat ^{▼▼7.1 Tua pen quart 7 bang hi thei ding (litre 7.3 bang) tg.16 le 18 zong} shekel khat ^{▼▼7.1 Tua pen ounce 2/5 bang (gram 11 bang) tg 16 le 18 ah zong} le mangbuh-ham seah nih ^{▼▼7.1 Tua pen quart 13 bang hi thei ding (litre 15 bang) tg.16 le 18 zong} ciang shekel khatin Samaria kongpi ah kizuak ding hi,” a ci hi.

2 Kumpipa a ban ah a kingapna ulianpa in Pasian mipa kiangah, “En in, TOPA in vantung tuidalnate nangawn a hong zongin hih thu piang thei ding ahi hiam?” a ci hi.

Elisha in, “Na mittang in na muh hangin khat beek na ne kha kei ding hi!” ci-in a dawng hi.

Umcihna Kikhaangto

3 Tua laitakin khuapi lutna kongpi ah a phak ^{▼▼7.3 Hebrew in vun natna tuamtuamte genna hi a phak tektek hi tuan lo hi; tg. 8 ah zong} mi li a om hi. Amaute in, “Bang dinga i sih dong hih lai-ah om ding i hi hiam? 4 Khuapi sungah pai ni cileng - tua lai-ah kialpi tunga, i si ding hi. Hih lai-ah om den lehang lah i si veve ding hi. Tua ahi ciangin Aram-te giahphual ah pai-in va ki-ap ni. Amaute in hong hingkhawi uh leh a nungta; hong thah uh leh lah a si hi ni,” ci-in khat le khat a kikum uh hi. ^e

5 Amaute khuamial lai pi-in tho uh a Aram-te giahphual ah a pai uh hi. A giahphual mong a tun uh ciangin mi khat beek a na om kei hi, 6 ahang in, Topa in sakolte le sakollengte le galkap honpi kheging Aram-te zasak ahi manin amaute in, “Za un, Israel kumpipa in Hit-te le Egypt kumpite cialin eite hong sim uh hi,” a kici uh hi. 7 Tua ciangin amaute tho in, khuamial lai pi-in taikek uh a, a puanbukte uh, a sakolte uh le a laate uh nusia uh hi. A giahphual uh hici nusiatin a nuntak theihtheih nadingun a tai uh hi. ^f

8 Miphakte giahphual nawlah tung uh a, puanbukte khatah a lut uh hi. Amaute in ne in dawn uh a, ngun le kham le puante paikhiatpihin a sel uh hi. Kileh kikin puanbuk dang khatah lut leuleu uh a, tua pan na pawlkhat la-in tuate zong a sel uh hi.

9 Tua ciangin amaute khat le khat kiho uh a, “I hihzia man lo hi. Tuni thu hoih ni hi napi ei kia bekin i kemcip mawk hi. Nisuah dong i ngak leh eite tungah dan hong tung ding hi. Pai pahin hih thu kumpi innah va zasak ni,” a kici uh hi.

10 Tua ciangin amaute pai uh a, khuapi kongpi cingte samkhia-in, “Ko teng Aram-te giahphuala pai ka hi uh hi. Mi khat zong om nawn lo hi - mi khat beek husa lo a - sakolte le laate kikhih ngiamnguamin puanbukte a hici in kinusia hi,” ci-in a gen uh hi. 11 Kongpi cingte in tua thu awngkhia uh a, kumpi-inn ah a kizasak hi.

12 Kumpipa zan pi-in tho-a a uliante kiangah, “Aram-te in ei tungah hih a sawm uh kong gen ding hi. Amaute in i kial lam thei uh hi; tua ahi ciangin a giahphual uh nusia-in gam sungah bu ding uh a, ‘Amaute hong pai pelmawh ding uh hi; amaute hingmat in khuapi sungah i lut ding hi,’ ci-a a ngaihsutna uh ahi hi,” a ci hi. ^g

13 A uliante khat in, “Khuapi sunga om lai sakolte nga mi pawlkhat paipihsak ni. Amaute vangsiatna hi lai-a om lai a nusiat uh Israel-te khempeuh tawh a kibang ahi hi - hi hi, amaute cih nading a thei lo Israel-te khempeuh tawh a kibang lel uh hi. Tua ahi ciangin amaute sawlin thupiang enciansak ni,” a ci hi.

14 Tua ciangin amaute in sakolleng nih le sakolte teel uh a Aram galkapte nungah kumpipa in tuate a paisak uh hi. Amah in leng hawlte kiangah, “Pai unla thupiang va mukhia dih un,” ci-in thu a pia hi. 15 Amaute in Jordan dong zui uh a, Aram-te in luhum lianga a taikekna-ua a paih uh puante le vanzatte lampi dung tengah a kithehthang ziahzuah a mu uh hi. Tua ciangin kamtaite kileh kik uh a, kumpipa kiangah a zasak uh hi. 16 Tua ciangin mite paikhia uh a Aram-te giahphual a van kinusiate a luh uh hi. Tua ciangin TOPA gensa bangin annel seah khat shekel khatin kizuaka, mangbuh-ham seah nih shekel khatin a kizuak hi.

17 Tua laitakin kumpipa in a ban a kingapna ulianpa kongpi cingsak a, mite in kongvangah amah tuancilin, kumpipa a inn ah a paisuk lai-a Pasian mipa gen bang tektekin a si hi. 18 Pasian mipa in kumpipa kiangah, “Zingciang tu bang hun pawlin Samaria kongpi ah annel seah khat shekel khatin kizuak ding a, mangbuh-ham seah nih shekel khatin kizuak ding hi,” a cih bangin a piang hi.

19 Pasian mipa tungah ulianpa in, “En in, TOPA in vante-a tuidalnate na ngawn a hong zongin piang thei ding ahi hiam?” a ci hi. Pasian mipa in, “Na mittang in na mu dinga, ahi hangin khat zong na ne kha kei ding hi!” ci-in a dawng hi. 20 Tua hi-a tua bang tektekin ama tungah pianga, mite in kongpi kalai-ah amah tuancilin a si hi.